جايز تعملها .. لو عايز

لو عايز

لو عايز تدايق حلاق قوله "هو الجو عندك حر كدة ليه"

لو عايز تهبل قهوجي استنى لما يقولك تشرب أيه يا باشا وقوله

"عندك كاكاو باللبن"؟.. ولو عايز تجنن سواق اركب وارفع رجلك

ع الكرسي اللي وراه .. لو عايز "تزعل" مؤيد للشرعية قوله

"تسلم الأيادي" .. ولو عايز تشعلل #انقلابي قوله #رابعة 

لو عايز تحرق دم أي ثورجي قوله "أنت خاين وعميل"

لو عايز تعّرف ظابط حقيقته قوله "أنت جبان"

لو عايز تنرفز #الفلول قولهم "أنتوا عبيد"

لو عايز تحسّر #عمرو_أديب  قوله "يا اللي مراتك #لميس "

لو عايز تحرق دم أي #مصري قوله "بلد الرقاصات"

لو عايز تكسف واحد من حزب النور قوله "نعم لدستور الدم"

لو عايز عايز تدايقني أنا قولي "يا #اخوان "

وأنا هقولك "حمرا :) "

غريبة قوي يا أخي #مصر دي .. محدش فيها بيرحم حد

بلد مترابطة بشكل بشع !! .. أما بقى لو عايز تطلع

بأي حاجة تنفع م الفيلم الهندي ده قول

"لا إله إلا الله" .. هنفوق والله يا صاحبي .. بس لما نموت!

.......

اعتذار من القلب قبل فوات الأوان

 

 

 قبل نهاية العام بلحظات .. أحب أقول لكل اللي زعلهم كلامي من

أبناء #مبارك وأنصار #السيسي معلش انا آسف أني زعلتكم شوية

في 2013 .. أوعدكوا أني ان شاء الله هقرف الي جابوكوا في 2014

.. مش كدة وبس .. انا كمان هفضح كل حركة منكم أدت لموت

بني آدم أو اهانة #مصري في وطنه .. هفضل الضمير اللي بينقح

على كل واحد خايف من شماتة الاخوان فيه وفضّل السكوت على

مصلحة بلده .. هفضل أفوّق في كل مفوض مسؤل عن قتل أبناء

وطنه بغباؤه وظلمه وأنانيته .. وسلامي لكل من نصر الحق ولم

يخشى فيه لومة لائم

 

 

إلى د / باسم يوسف

بدون مقدمات

لن أنسى أنك في أسوأ لحظات قهرنا وقت الثورة كنت تمنحنا الأمل و

الابتسام وكنت تكشف عن المنافقين المجرمين .. كنت ومازلت وأعتقد

«بذكائك» ستستمر للعديد من المصريين مصدراً للسعادة والتفاؤل 

وأطالبك «بنقد» كل شخص بداية من الرئيس وحتى أصغر ناشط .. بل

أشجعك أيضاً أن تنتقد «أفعال» الدعاة التي ترى أنها في غير مصلحة

الوطن فهذا حقك .. ولكن 

يجب أن تعلم أن هناك شعرة تفصل بين الحق والباطل .. فإن كنت حقاً

تنتقد أفعال الدعاة لا دينهم فإياك أن تتهكم على اللحية أو ما شابه لأنها

سنة عن نبينا صلى الله عليه وسلم .. أو أن تذكر (فقط مجرد الذكر)

الله أو النبي أو الصحابة أو ما له علاقة بالدين ثم أسمع بعدها «بأذني»

الضحكات !! وتذكر قول الله تعالى"ولئن سألتهم ليقولن إنما كنا

نخوض ونلعب قل أبالله وآياته ورسوله كنتم تستهزئون(65)

لا تعتذروا قد كفرتم بعد إيمانكم" .. ويقول النبي "رب كلمة يقولها

العبد لا يلقي لها بالاً تهوي به في النار سبعين خريفاً".

اقرأ جيداً ما يخص دينك في هذا الشأن وإعلم ألا عذر بجهله

ثم بعدها انتقد «أفعال» من شئت .. هذه والله مجرد ذكرى لأولي الألباب .

عار عليكم

أرفض اهانة الشعب المصري لترشيح شفيق لسببين 

الأول أنهم عاشوا طوال عمرهم يشربون من كأس هذا النظام 

فكان الأقرب لقلوبهم 

الثاني (أنكم) أيها الثوريون كنتم أشد سذاجة من هؤلاء

 الذين رشحوا شفيق عندما تفرقتم لثلاث جبهات

(أقسم بالله) انتم طماعين أغبياء .. لهثتم وراء الكرسي

 ولم تتخذوا موقفا موحدا .. لستم أقل خسة من

 أنصار شفيق .. هم اختاروا النظام الذي تربوا عليه

 أما أنتم يا من تربيتم على النضال أو (هكذا تدعون)

كانت مصلحتكم الشخصية فوق كل اعتبار ولو أن 

مصلحة مصر هي الغاية لما انقسمتم أيها المناضلون

 الثوريون إلى نصفين .. أو بالأحرى إلى ثلاثة

أنت يا (عديم العقل) يا (أناني) يا من تسب

الشعب المصري .. عار عليك 

.

هل حقا ما قتلوا من أجله هناك يسمى ثورة ؟

أشعر بألم لا يمكن وصفه بعد العودة اليوم من ميدان التحرير

اليوم فقط تأكدت أنها لم تكن ثورة إطلاقا بالنسبة (لهؤلاء)

وجدت أن تراث الثورة كله قد طمس

 في الأول طمسوا ما كتب على جداران

 المتحف المصري أثناء الثورة ثم ما كتب على الجامعة الأمريكية

 ومدخل محمد محمود ثم ما كتب على مجمع التحرير

 طمسوا كل أثر .. ثم الآن
:
:
:
:
:
:
:

يقومون بتبييض الأسود على جانبي كوبري قصر النيل

 محو كل أثر لكلمة كتبت بدم وعرق

محو تاريخ أمة .. محوه من جدرانها .. وما آلمني حقا

 أنهم اقتربوا أن يمحوه من قلوبنا

إن لم تصدقني فأعطني دليلا (ثوريا) واحدا

يؤكد أن ما قتلوا من أجله هناك يسمى ثورة !!!

.

علشان متتضربش على قفاك !

في 4 أيام

حرائق شركة البترول بالسويس

زيارة المفتي لإسرائيل 

حريق محلات عمر أفندي طنطا 

 اشتباكات رهيبة في المنيا 

 وقف تصدير الغاز لإسرائيل

 وفي الآخر تظهر جدعنة طنطاوي

وتصريحاته النارية للي يفكر 

يقرب من حدود مصر 

 ويستمر مسلسل استهبال العسكر

للشعب المصري وضربه على قفاه

:
:
:

اوعى تصدق القتلة الكذابين

محمود إبراهيم

واضح جدا أن استبعاد المرشحين دا كان خطة متفق عليها

ولو الاخوان قالوا انهم أصحاب نظرة ثاقبة وعشان كدة

رشحوا مرشح تاني .. يبقى احنا لسه بنتضرب على قفانا

انا مكنتش بنزل التحرير بعد 11 فبراير إلا لما يبقى

مطلوب رجاله .. أما دلوقتي .. مطلوب أسود عندهم

قضية هي قضية بلدهم .. أنا مش هسكت ومش هقبل

أن الاستهبال ده يستمر هتقول عليا بلطجي ؟؟

هقولك انت غلطان .. انت اللي معندكش قضية

لأنك عارف انهم بيستلطخونا وساكت

هستنى اشوف القرار النهائي .. بعدها لن أهدأ أبدا

حتى يظهر الحق ..يا احنا يا أنتم يا عسكر يا كلاب

ويسقط يسقط حكم العسكر

ويسقط كل كلاب العسكر

مات الكلام

.