إلى د / باسم يوسف

بدون مقدمات

لن أنسى أنك في أسوأ لحظات قهرنا وقت الثورة كنت تمنحنا الأمل و

الابتسام وكنت تكشف عن المنافقين المجرمين .. كنت ومازلت وأعتقد

«بذكائك» ستستمر للعديد من المصريين مصدراً للسعادة والتفاؤل 

وأطالبك «بنقد» كل شخص بداية من الرئيس وحتى أصغر ناشط .. بل

أشجعك أيضاً أن تنتقد «أفعال» الدعاة التي ترى أنها في غير مصلحة

الوطن فهذا حقك .. ولكن 

يجب أن تعلم أن هناك شعرة تفصل بين الحق والباطل .. فإن كنت حقاً

تنتقد أفعال الدعاة لا دينهم فإياك أن تتهكم على اللحية أو ما شابه لأنها

سنة عن نبينا صلى الله عليه وسلم .. أو أن تذكر (فقط مجرد الذكر)

الله أو النبي أو الصحابة أو ما له علاقة بالدين ثم أسمع بعدها «بأذني»

الضحكات !! وتذكر قول الله تعالى"ولئن سألتهم ليقولن إنما كنا

نخوض ونلعب قل أبالله وآياته ورسوله كنتم تستهزئون(65)

لا تعتذروا قد كفرتم بعد إيمانكم" .. ويقول النبي "رب كلمة يقولها

العبد لا يلقي لها بالاً تهوي به في النار سبعين خريفاً".

اقرأ جيداً ما يخص دينك في هذا الشأن وإعلم ألا عذر بجهله

ثم بعدها انتقد «أفعال» من شئت .. هذه والله مجرد ذكرى لأولي الألباب .

عار عليكم

أرفض اهانة الشعب المصري لترشيح شفيق لسببين 

الأول أنهم عاشوا طوال عمرهم يشربون من كأس هذا النظام 

فكان الأقرب لقلوبهم 

الثاني (أنكم) أيها الثوريون كنتم أشد سذاجة من هؤلاء

 الذين رشحوا شفيق عندما تفرقتم لثلاث جبهات

(أقسم بالله) انتم طماعين أغبياء .. لهثتم وراء الكرسي

 ولم تتخذوا موقفا موحدا .. لستم أقل خسة من

 أنصار شفيق .. هم اختاروا النظام الذي تربوا عليه

 أما أنتم يا من تربيتم على النضال أو (هكذا تدعون)

كانت مصلحتكم الشخصية فوق كل اعتبار ولو أن 

مصلحة مصر هي الغاية لما انقسمتم أيها المناضلون

 الثوريون إلى نصفين .. أو بالأحرى إلى ثلاثة

أنت يا (عديم العقل) يا (أناني) يا من تسب

الشعب المصري .. عار عليك 

.

هل حقا ما قتلوا من أجله هناك يسمى ثورة ؟

أشعر بألم لا يمكن وصفه بعد العودة اليوم من ميدان التحرير

اليوم فقط تأكدت أنها لم تكن ثورة إطلاقا بالنسبة (لهؤلاء)

وجدت أن تراث الثورة كله قد طمس

 في الأول طمسوا ما كتب على جداران

 المتحف المصري أثناء الثورة ثم ما كتب على الجامعة الأمريكية

 ومدخل محمد محمود ثم ما كتب على مجمع التحرير

 طمسوا كل أثر .. ثم الآن
:
:
:
:
:
:
:

يقومون بتبييض الأسود على جانبي كوبري قصر النيل

 محو كل أثر لكلمة كتبت بدم وعرق

محو تاريخ أمة .. محوه من جدرانها .. وما آلمني حقا

 أنهم اقتربوا أن يمحوه من قلوبنا

إن لم تصدقني فأعطني دليلا (ثوريا) واحدا

يؤكد أن ما قتلوا من أجله هناك يسمى ثورة !!!

.

علشان متتضربش على قفاك !

في 4 أيام

حرائق شركة البترول بالسويس

زيارة المفتي لإسرائيل 

حريق محلات عمر أفندي طنطا 

 اشتباكات رهيبة في المنيا 

 وقف تصدير الغاز لإسرائيل

 وفي الآخر تظهر جدعنة طنطاوي

وتصريحاته النارية للي يفكر 

يقرب من حدود مصر 

 ويستمر مسلسل استهبال العسكر

للشعب المصري وضربه على قفاه

:
:
:

اوعى تصدق القتلة الكذابين

محمود إبراهيم

واضح جدا أن استبعاد المرشحين دا كان خطة متفق عليها

ولو الاخوان قالوا انهم أصحاب نظرة ثاقبة وعشان كدة

رشحوا مرشح تاني .. يبقى احنا لسه بنتضرب على قفانا

انا مكنتش بنزل التحرير بعد 11 فبراير إلا لما يبقى

مطلوب رجاله .. أما دلوقتي .. مطلوب أسود عندهم

قضية هي قضية بلدهم .. أنا مش هسكت ومش هقبل

أن الاستهبال ده يستمر هتقول عليا بلطجي ؟؟

هقولك انت غلطان .. انت اللي معندكش قضية

لأنك عارف انهم بيستلطخونا وساكت

هستنى اشوف القرار النهائي .. بعدها لن أهدأ أبدا

حتى يظهر الحق ..يا احنا يا أنتم يا عسكر يا كلاب

ويسقط يسقط حكم العسكر

ويسقط كل كلاب العسكر

مات الكلام

.

هل أنا ضد فكرة تطبيق الشرع ؟؟

أنا مش ضد أبو إسماعيل بس بردوا هو كدب

وأنا متأكد إن أمه أمريكية
أنا مش ضد الراجل بس مؤيدوه جهلاء

ومبيفهموش وأغبيا وهو بيسوقهم وراه
أنا مش ضده بس مش عايزين

نأله حد تاني .. هو مش إله يعني
أنا مش ضده بس عيب قوي أنصاره

يتجمعوا قدام المحكمة علشان يرهبوا القاضي
أنا مش ضده بس بيقولوا الله أكبر على أيه ؟؟

هو احنا بنحارب
أنا مش ضده بس الراجل دا مينفعش رئيس

معندوش حس ولا خبرة سياسية
أنا مش ضده بس مينفعش نطبق شرع الله دلوقتي

احنا في عصر مختلف عن الجاهلية
أنا مش ضده بس لما بشوفه هو وأنصاره

بفتكر قريش والجاهلية
أنا مش ضده بس بيستغل المسجد في الدعاية بتاعته ؟؟

مش حرام يا عم الشيخ ؟
أنا مش ضده بس دا أخره شيخ ونصلي وراه
أنا مش ضده بس أيه علاقة الدين (الطاهر)

بالسياسة (القذرة) ؟
:
:
:
:
الظاهر انك مش ضده فعلا

أنت ضد فكرته .. بس أنت اللي مش واخد بالك

خلوا بالكم أرجوكم

عارفين الراجل دا مين دا صبحي المنشاوي

عمود من أعمدة أمن الدولة ومن أكتر الناس دموية

دراع عمر سليمان اليمن والدماغ اللي بتخطط

لكل البلاوي اللي بيعملوها دلوقتي

الأهم انه مشغل أكتر من 10 آلاف شاب في اللجان

الالكترونية علشان يدعموا السفاح الكبير للرئاسة
:
:
:
:
:
:

:

:
:
:
:
:
:
:
:

:

:

لو صدقت أي كلمة من الكلام اللي فوق

يبقى انا ضحكت عليك بمنتهى السهولة

ولو قلتلك شير كنت أول واحد هتشير

أرجوك قبل ما تصدق أي معلومة على الانترنت تأكد

من مصدرها لأن الانترنت في حد ذاته مش مصدر

الانترنت مليان اخبار مطبوخة .. ودايما

الطبيخ بيبقى على هوا الطباخ

خلوا بالكم أرجوكم ومتصدقوش اي معلومة وخلاص
أه من حق .. الراجل دا يبقى المحترم
المهندس أحمد على أحمد محافظ الفيوم :)

كلمة حق في رجل صادق

بخصوص أزمة جنسية والدة أبو إسماعيل
البعض استغلها ليشكك الناس في صدق الرجل

والبعض الآخر ليستهين بأنصار الرجل .. فإذا كنتم

لا تريدونه رئيسا فهذا شأنكم وحقكم (لا تنتخبوه)

ولكن أن تهينوا هذا الرجل وأنصاره فهذا من شأننا

وحقنا أن ندافع عن أنفسنا .. وأُشهد الله أني

ما شككت لحظة في صدقه .. وأقول لأنصاره

لا تحزنوا وتذكروا قول الله تعالى
{ وَاللَّهُ غَالِبٌ عَلَى أَمْرِهِ وَلَكِنَّ أَكْثَرَ النَّاسِ لَا يَعْلَمُونَ}

لا أقصد بالآية أنه سيكون رئيسا ولو كره الناس

ولكن أقصد أن الله يفعل ما يريد فلا ترهقوا أنفسكم
وأقول لكارهيه (بدون سبب)
والله لن يمسكم منا أذى القول عندما يظهر

صدق الرجل ، إن نريد إلا الإصلاح ما استطعنا

"وَعلَى اللّهِ فَلْيَتَوَكَّلِ الْمُؤْمِنُونَ"

أنور البلكيمي .. خطأ كبير

لو كتبت أنور البلكيمي على جوجل هتلاقي

كمية أخبار غير طبيعية ما بين استهزاء واستنكار

وغضب وحزن .. النائب البلكيمي اعترف انه

مش مصدق انه قدر يكذب هذه الكذبة

وقدم استقالته من حزب النور وكمان من مجلس الشعب

مش هدافع عنه لكن أحب أقول لكل الناس أن دي (غلطة)

صحيح هي غلطة كبيرة جدا في حق نفسه وفي حق الشعب

لكن كلنا بنغلط .. وكلنا بنعمل بلاوي .. الفرق 3 حاجات

انه عضو مجلس شعب

وأنه سلفي (بدقن يعني)

وأن كذبه فضح على الملأ
يريت كل الناس اللي واخده الموضوع دا بتريقة .. تقفله ..

مسألة الكذب دي كبيرة صحيح لكن كل يوم بتحصلنا

من العسكر والحكومة والسياسيين وغيرهم

الراجل أخطأ وتم عقابه .. وأشهد الله أني سامحته

خلص الكلام

مبادرة فيس بوكيَة .. ولا أنا مشبهش ؟؟

بمناسبة مبادرة الشيخ محمد حسان "ادفع لبلدك"

علشان أخوكم داخل على جواز .. وانتوا عارفين الحالة الاقتصادية اليومين دول

فأنا قررت أعمل مبادرة أنا كمان .. بس على الديق .. يعني .. عندي 550 صديق تقريبا

هنقول كل واحد هيدفع 100 جنيه بس ولمرة واحدة في العمر .. يا بلاش :))

بكدة هيبقى معانا 550 * 100 .. يبقى وصلنا لـ 55 ألف جنيه .. يا سلام .. مكنتش اعرف

ان الفيس بوك حلو بالشكل ده .. أو الشعب المصري بالقلب

الحنين ده .. واعتبرني ابوك يا أخي :))

وبعدين هما أحسن مني في أيه ؟

دول أهانوك وضربوك وسحلوك وأصابوك وسجنوك وقتلوك .. ودحكوا عيك وقالوا انهم "حموك".. لاء ومكفهمش .. فخونوك وكفروك وقالوا عليك بتاع كنتاكي وبتضرب ترامادول وبتقبض ومتآمر وعايز تقسم مصر .. وياعيني مكفهمش .. فقالولنا أنتوا ساكتين على بعضكوا ازاي ؟؟ انزلوا حاربوا بعض وخلصونا وخلصوا مصر .. وياعيني بردو مكفهمش فقالوا خلاص طالما لسه عايشين يبقى يدفعولنا .. مش هم جدعان قوي وعملوا ثورة .. طب ادفع بقى يا حلو منك له ..

المشكلة أن الكبار اللي بيقولوا أنهم بيحبوا مصر لو استغنوا بس عن مرتب شهر .. شهر واحد هنوفر ميزانية بلد بحالها !!

يبقى بذمتكوا كدة تدفعولي انا .. ولا تدفعولهم !!!

.